Гибсон чөлү

Гибсон чөлү – Австралиянын батышында; Чоң кумдуу чөл (түндүгүндө) менен Виктория Чоң чөлүнүн (түштүгүндө) аралыгында. Бийиктиги 300–500 м келген шагылдуу плато; чыгышында калдык токол тоолор бийиктиги 762 м, батышында шор жерлер бар. Жылдык жаан-чачыны 250 ммдей. Сейрек акация бадалы, спинифекс өсөт. Мал жайытты. Чөл аны алгач ачкан (1873) англиялык экспедициянын мүчөсү А. Гибсондун урматына аталган.

Гибсон чөлү.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4