Жеке компьютер карды

Жеке компьютер карды – маалыматты кеңейтүү ордуна орнотулган такта. Ал кредит кард өлчөмүндө болуп, кошумча эс катары көтөрүп жүрмө жана үстөл үстүндөгү компьютерде колдонулат. Маалымат сактоо үчүн пайдаланылган такталардын калыңдыгы 10,5 мм (болжол менен 0,4 дюим), анын айланып туруучу чакан диск салгычы болот. Диаметри 1,3 дюймду түзгөн тактада 520 МБ маалымат сакталат. Жеке компьютер (тактасын) бир компьютерде бир нече колдонуучу менен бөлүштүрүлгөндө жеке компьютер тактасын пайдалануу ыңгайлуу. Себеби берилиштерди ага сактап коюп, керек учурда башка компьютерге тез которуу жеңил болот.

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5