Керимова Наталья Равильевна

Керимова Наталья Равильевна (1961-жылы туулган, Нарын облусу, Жумгал району, Миң-Куш шаарчасы) – медицина илимдеринин доктору (1998), профессор (2002). Кыргыз Мамлекеттик Медицина институтун (1984), Кыргызстан акушерлик жана педиатрия Илим Изилдөө институтунун аспирантурасын (1987) жана докторантурасын (1991) бүтүргөн. Кыргызстан акушерлик жана педиатрия Илим Изилдөө институтунда кенже, улук илимий кызматкер, бөлүм башчысы болуп иштеген (1991–2001). 2001-жылдан Кыргыз-Орус Славян университетинде профессор Акушерлик жана гинекология, лазер жана дарылоо боюнча адис. 80ден ашык илимий эмгек, анын ичинде 1 монографиясы, 6 ойлоп табуусу бар. Эмгектери: Пути прогнозирования и профилактики поздних гестозов (в соавторстве). Б., 1993; Диагностика и прогнозтическая значимость лабильности структурообразования крови при ОПГ кетозе. Б., 1998; Лазеротерапия ОПГ – гестоза (в соавторстве). Б., 1998.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9