Кыргызстан күйүүчү сланецтери
Күйүүчү сланецтердин запасы бир гана Өзгөн ташкөмүр бассейндеги Каргаша кенинде белгилүү. Мында ал көмүр катмарларынын арасында жука кабатча түрүндө кездешет. Сланецтер төмөндөгү сапаттык көрсөткүчтөр менен мүнөздөлөт: күлдүүлүгү 46 — 50%, учма заттар 45 — 60%, күкүрт 0,4 — 0,5%, көмүртек 83%, суутек 5,7 — 6%, чайыр 6 — 20%, күйүүдөгү жылуулук берүү кубаты 3200 — 3800 ккал/кг. Сланецтердин жалпы запасы 65 млн т (1982).
Дагы кара түзөтүү
Колдонулган адабияттар түзөтүү
- Кыргызстандын кен байлыгы: Энциклопедиялык окуу куралы/Мамлекеттик тил жана энциклопедия борбору. Бишкек – 2004, ISBN 9967-14-009-7