Лакрингдер
Лакрингдер — байыркы герман уруусу. Эльба жана Одер дарыяларынын төмөнкү агымдарынын ортосунда жашаган болушу мүмкүн. Лакрингдер император Марк Аврелийдин тушунда Маркоман согушуна (166—180 жылдары) катышкан. 171-жылы астинг вандалдык уруусу Рим империясына кастык кылган костобокторго кол салышкан. Бирок, лакрингдер астингдер жерлерине отурукташып калат деп чочулап, күтүлбөгөн жерден астингдерге кол салып, аларды талкалашкан.