Пункция

Пункция (лат. punctio — саюу) — ооруну дарылоо жана диагнозун коюу максатында денедеги кандайдыр бир көңдөйдүн капталын (мисалы, плевралык), муунду, кан тамырды, органды көңдөй ийне менен саюу.

Люмбалдык пункция жүргүзүү.

Пункция жүрүгүзү.

Диагностикалык пункция

Диагностикалык пункция көңдөйдүн ичиндегисин, оорулуу органдан алынган клетканы изилдөөдө, ооруну аныктоодо, түрдүү контрасттуу заттарды көңдөйгө жиберип рентгендик изилдөө жүргүзүүдө колдонулат.

Дарылоочу пункция

Дарылоочу пункцияда ириң, кан толуп кеткен көңдөйлөр тазаланат жана түрдүү дары каражаттары куюлат. Ал венадан диагноз коюу үчүн кан алууда же дары куюуда; плевритте аба же газ киргизүү; курсакка толгон сууну, муунга чогулган кан, ириңди чыгарууда; жүлүн суюктугун алуу (менингитте) жана сеп алдыруучу каражаттарды куюу максатында колдонулат.

Колдонулган адабият

Кыргыз Совет Энциклопедиясынын Башкы редакциясы. «Ден - соолук» Медициналык энциклопедия. - Ф.:1991, ISBN 5-89750-008-8