Каолин

Каолин - Кытайдын Цзянси провинциясындагы Каолин жеринин атынан аталган

(К. алгачкы табылган жери), курамы негизинен каолинит минералынан Al4 [Si 4O10](OH)6 турган тоотек. 500-600оС суусузданып, 1000-1200оС g-Al2O3 жана мулитти пайда кылуу менен ажырайт. Сууда, минералдык к-таларда эрибейт (плавик к-тасынан башка). Концентрацияланган Н2SO4 кислотасы менен ысытуудан Al2(SO4)3 жана кремний к-таларын пайда кылат. Кагаз, резина өндүрүүдө, керамика өндүрүшүндө фарфор фаянс массаларын даярдоого, о. эле парфюмерияда, хим. ө. ж-нда алюминий сульфатын алууда колдонулат.

Колдонулган адабияттар

• Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6