Кунашир

Кунашир — Курил аралынын курамындагы арал. Аянты 1,5 миң км²дей. Бийиктиги 1891 м. Аракеттеги жанар тоолор (Тятя, Менделеев, Головнин) жана көптөгөн минералдуу ысык булактар (Ысык-Пляж, Жагымдуу-Булак ж. б.) бар. Карагай, көк карагай, ошондой эле аралаш жана жазы жалбырактуу токой, курил бамбугу өсөт. Кунаширде Южно-Курильск шаарчасы жайгашкан.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9