Тынчтыкбек Чоротегин: нускалардын айырмасы

 

1981-жылы Кыргыз Улуттук Университетинин (КУУ) тарых факультетин аяктаган. 1983-1988-жылдары Ташкенде Өзбекстан Илимдер академиясынын Абу Райхан Беруни атындагы Чыгыш таануу институтунда эки жылдык стажировкада жана үч жылдык күндүзгү аспирантурада окуган. Илимий жетекчиси профессор Бөрү Ахмедов [1] болгон.

 

1994-1997-жылдары КУУнун докторантурасында окуган.

 

1989-жылы 3-июнда негизделген Кыргызстан Жаш тарыхчылар жамаатын уюштуруучулардын жана жетекчилеринин бири. 1990-жылы май айындагы Кыргызстан Демократиялык Кыймылынын (КДК) уюштуруучуларынын бири, анын уставынын долбоорун даярдаган. 1990-жылы октябрда жумурияттагы коммунисттик жетекчиликке каршы саясий ачкачылыкка катышкан.

1991-жылдын апрелинен 1998-жылдын мартына чейин «[[Азаттык үналгысы]]нын» Бишкектеги кабарчысы, алгачкы бюро башчысы. 1998-жылдын апрелинен 2000-жылдын июлунун акырына чейин Лондондо Би-Би-Синин Кыргыз кызматынын продюсери. 2000-жылдын июлунун акырынан - «Азаттык үналгысынын» Прагадагы башкеңсесинде иштеп келет (2003-жылдын 1-январынан тартып анын директору).

Жыл сайын КУУда адистик сабак боюнча дарс окуп келди.

 

Бир катар илимий монографиялардын (анын ичинде Махмуд Кашгаринин өмүрү менен мурасына арналган эмгектердин, калемдешип жазылган “[[Кыргыз тарыхы: Кыскача энциклопедиялык сөздүк]]” (1990) китебинин), калемдешип жазылган окуу китептердин, окуу куралынын, жүздөгөн макалалардын, чакан юмордук китепченин автору.

 

Анын илимий жетекчилигинде эки доктордук иш, үч кандидаттык иш жакталган.

 

Кыргызстан Жаштар сыйлыгынын лауреаты, Чыңгыз Айтматов атындагы Эл аралык академиянын анык мүчөсү, Кыргызстан Тарыхчылар Коомунун мүчөсү.

 

 

http://www.unesco.org/culture/asia/html_eng/volume5.htm