Айзек Азимов: нускалардын айырмасы

'''Азимов Айзек''' (1920, Петровичи, Смоленск губерниясы, азыркы Смоленск облусу - 6. 4. 1992, [[Нью-Йорк]]) - амеркалык жазуучу-фантаст, биохимик, илимди жайылтуучу. [[Колумбия Университети|Колумбия университетин]] бүткөн (1939), [[Бостон Университети|Бостон университетинде]] сабак берген. 500гө жакын чыгармалардын автору. Биринчи романы - «Асмандагы кичинекей таш» (1950). Ага «Негиз» үчилтиги (1966) атак-даңк алып келген. «Болот үңкүрлөр» романы (1957) илимий-фантастикалык детектив жанрынын үлгүсү болгон. Чыгармаларында адам менен машинанын өз ара мамилелеринин моралдык проблемалары анализденет. АКШда табият таануунун, тарыхтын, техниканын проблемалары жөнүндөгү, ар түрдүү энциклопедиялардын, анын ичинде Библия жана Шекспир боюнча китептердин автору катары белгилүү. Илимий фантастикалык жана илимий-популярдуу дээрлик бардык чыгармалары 1960-жылдын ортосунан орус тилине которулган. Хүго и Небула сыйлыктарынын көп жолку ээси. Анын чыгармаларында колдонулган — robotics (роботехника, роботика), positronic (позитрондук), psychohistory (психотарых, кишилердин чоң топторунун жүрүм-туруму тууралуу илим) терминдери англис ж-а башка тилдерге туруктуу кирген. Англо-америкалык адабий чөйрөдө Айзек Азимов Артур Кларк жана Роберт Хайлайн менен бирге "Үч чоң" фантаст-жазуучулардын бири катары таанылат.