'''Кура дарыясы''' — [[Закавказье|Закавказьедеги]] [[дарыя]]. Узундугу 1364 км, алабынын аянты 188 миң км2км<sup>2</sup>. [[Түркия|Түркиядан]] башталып, [[Грузия]], [[Азербайжан|Азербайжандын]] аймактары аркылуу агат. Каспий деңизине куярда аянты 100 км<sup>2</sup> болгон дельтаны пайда кылат. Башатынан Тбилиси шаарына чейин кууш капчыгайлар, айрым бөлүктөрүндө тоо аралык чуңкурдуктар, төмөн жагында бийик жайгашкан түздүктөр аркылуу агат; Кура-Аракс ойдуңунда Куранын жээктерине тосмолор курулган. Негизги куймасы — Аракс (оң). орточо чыгымы 575 м<sup>3</sup>/сек. Жылына 21 млн тоннага чейин шиленди агызып келет. Төмөнкү агымында кеме жүрөт. Сугатка пайдаланылат. Суусунун жарымына жакыны канал аркылуу Аракска берилет. Дельтасында балык (севрюга, белуга, осётр, судак ж. б.) кармалат. Курада Земо-Авчаль, Мингечаур ж. б. ГЭСтер жана суу сактагычтар курулган; боюнда Гори, [[Тбилиси]], Рустави, Мингечаур ж. б. шаарлар жайгашкан.
* [[“Кыргызстан” улуттук энциклопедиясы]]: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9
