Молукка аралдары: нускалардын айырмасы

'''Молукка аралдары''' (Moluccas, Maluku) – [[Малайя архипелагы|Малайя архипелагынын]] чыгыш бөлүгүндөгү аралдар тобу; Сулавеси жана [[Жаңы Гвинея]] аралынын аралыгында. [[Индонезия|Индонезиянын]] аймагы. Аянты 83,7 миң км2км². Калкы 1,2 млн (2010). Негизги аралдары – Хальмахера, Серам, Буру. Аралдары тоолуу ([[Биная чокусу]], 3019 м). Онго жакын аракеттеги [[Жанар тоо|жанартоо]] бар; жер титирөө болуп турат. [[Экватордук климат|Климаты экватордук]], түштүгүндө субэкватордук. Жылдык жаан-чачыны 800–4000 мм. Аймагынын 80%тен ашыгын дайыма жашыл экватордук (пальма, фикус, дептерокарп, бамбук) токой ээлейт; 1200 м бийиктен жогору жалбырагы күбүлмө жана ийне жалбырактуу токой, түздүктөрүндө бадалдар, дарак сымал папоротниктер, иланг-иланг чөбү өсөт. Сачо жана курма пальмасы, жыпар мончок дарак, мускус жаңгагы, шалы, жүгөрү, жыттуу, калемпир жана башкалар. татымалдар өстүрүлөт («татымалдар архипелагы» деп да аталат.) Негизги порту – Амбон.

* [[“Кыргызстан” улуттук энциклопедиясы]]: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7