Маас: нускалардын айырмасы

'''Маас''', Мёз ([[Нидерланд тили|фламандча]] Мааs, [[Француз тили|фр.]] Meuse; жалпы европалык уңгусу mus – ным, зак) – [[Франция]], [[Бельгия]] жана [[Нидерланд|Нидерланддагы]] дарыя. Узундугу 925 км, алабынын аянты 36 миң км². Арденна тоолорунан башталып, Ортонку Европа түздүгү аркылуу агат да [[Рейн|Рейндин]] дельтасынын түштүк салаасына куят. Дарыя суусунун деңгээли төмөнкү агымында кыйла аралыкта чектеш жаткан түздүктөрдөн жогору болгондуктан Маастын нугуна дамба (тосмо) курулган. Негизинен жамгыр, ошондой эле кар сууларынан куралат; суу кышында жана жазында кирет; деңгээли 5–8 мге чейин көтөрүлөт. Орточо чыгымы 300–400 м³/сек, эң көбү 3 миң м³/секга чейин. Жогорку агымына чейин кеме жүрөт. Каналдар аркылуу Шельда, Сена, Рейн ж. б. дарыялар менен туташат. Боюнда Верден (Франция), Намюр, Льеж (Бельгия), Маастрихт (Нидерланд) шаары бар.