'''[[Көкөмерен]] капчыгайы''' — [[Ички Теңир-Тоо|Ички Теңир-Тоодо]] субмеридиан багытта жайгашкан антецеденттик [[капчыгай]]. [[Жумгал кырка тоосу|Жумгал]] менен [[Суусамыр, кырка тоотоосу|Суусамыр тоолорун]] тоолорун бөлүп турат. [[Суусамыр өрөөнү|Суусамыр]] жана [[Жумгал өрөөнү|Жумгал өрөөндөрүн]] байланыштырат. Узундугу 46 км, туурасы 40–120м (структуралык чуңкурларда 200 м. Капталынын бийиктиги 600–1450м, тиктиги 30–75°, кээде 80–85°. Баш жагында Сандык-Кишиней капчыгайы (капталы 40–45°) бар. Бул жерге тосмо куруу долбоорлонгон. Андан ылдый кененирээк Ойкайыңды (оң бети 38-40°), андан кийин шагыл-корум, боз граниттүү Бороондуу (Бообек), орто бөлүгүндө Кызылой тектон. өрөөнү, төмөнкү агымында кумдук жана акиташ тегин кескен Көк кайыңды (Курган), Ойтеректен өткөндөн кийин түштүк чыгышка бурулуп, кууштап, [[Жумгал өрөөнү]]нө чыккан жери Үч кумкүнгөй деп аталат. Мында туурасы 150–200 мге жетип, сол жагында палеогендин кызыл чополуу конгломераты бар. Капчыгайдын чарбалык мааниси чоң ; ГЭС каскаддарын курууга өтө ыңгайлуу.
