'''Беккерель, Антуан Анри Беккерель''' (15. 12. 1852, [[Париж]] 25. 08. 1908, Круасик) француз физиги, Париж ИАнын мүчөсү (1889). Политехникалык мектепти бүткөн. Париж улуттук табият-тарых музейинин (1892) жана Политех. мектептин проф. (1895). Беккерель оптика, электрмагнетизм, фотохимия, электр химиясы жана [[метеорология]] илимдери боюнча изилдөөлөрдү жүргүзгөн. Түрдүү люминесценциялык заттардын кара кагаздан өтүп, фотопластинкага тийгизген таасирин изилдөөнүн натыйжасында, уран тузунун [[Радиоактивдүүлүк|радиоактивдүү]] нурлануусун ачкан (1896). Бул нурланууну изилдөө М. Склодовская-Кюри менен П. Кюринин радиоактивдүүлүктү ачуусуна алып келген. [[Нобель сыйлыгы|Нобель сыйлыгынын]] лауреаты (1903).
