CSS'ти веб-баракча жасоочулар түс, шрифтарип, блоктордун орун алышы же веб-баракчалардын тыш көрүнүшүнүн башка аспектилерин жөндөө үчүн колдонушат. CSS'ти өнүктүрүүнүн негизги максаты веб-баракчанын (HTML же башка маркалообелгилөө тилдеринин жардамы менен жүргөн) логикалык структурасын сүрөттөөнү (эми формалдуу CSS тилинин жардамы менен жүргөн) тыш көрүнүштү сүрөттөөдөн ажыратуу болуп саналат. Мындай ажыратуу документтин жеткиликтүүлүгүн арттырышы, көрүнүшүн ийкемдүүрөөк кылышы жана башкарууну жеңилдетиши мүмкүн. Ошондой эле, структурада камтылгандарды жөнөкөйлөтүп, кайталоолорду азайтат. Ошондой эле, CSS бир эле документти башка-башка стилдерде же чыгаруу ыкмаларында көрсөтүп бере алат. Мисалы, экранда көрсөтүү, басма көрсөтүү, үн чыгарып окуу (атайын үн браузери же экрандан окуу программасы менен). Брайл шрифтин колдонгон түзмөктөр менен чыгаруу мүмкүн.
