Махмутова мариям (1920, [[Фрунзе]], Төкөлдөш айылы —1989, Фрунзе) — опера ырчысы (меццо-сопрано), Кыргыз ССРинин эл артисти (1946). Чыгармачылыгын 1938-ж. республикалык 1-олимпиадага катышуудан баштаган.
1939-ж. Кыргыз искусствосунун Москвадагы декадасына катышкан. 1940-жылдан Кыргыз опера жана балет театрынын солисти. М. диапазону кенен, кооз тембрлүү үнү менен айырмаланат. «Айчүрөк» (1939) операсынан Чачыкейдин, «Манас» (1946) операсынан Ороңгунун партияларын жогорку чеберчиликте аткарган. М. Ленин ордени, башка ордендер жана медалдар менен сыйланган.
== Колдонулган адабияттар ==
"Манас" энциклопедиясы/Мамлекеттик тил жана энциклопедия борбору.Бишкек: Кыргыз энциклопедиясынын Башкы редакциясы, - 1995. 1-т. - 440. ISBN -5-89750-013-4