Жөтөлгө каршы дарылар

Жөтөлгө каршы дарылуу — жөтөлдү басаңдатуучу каражаттар. Алар сүйрү мээде жайгашкан жөтөл борборуна басаңдатуучу таасир берет. Жөтөлгө каршы дарылар негизинен кургак жөтөлдө, өпкөдөн кан агууда, плевритте жөтөлдү басуу үчүн колдонулат. Бирок бул дарылардын химиялык түзүлүшү морфинге (Ооруну басаңдатуучу заттар) окшош болгондуктан ашыкча кабыл алуудан дарыга көнүгүп кетүүгө мүмкүн. Ошондуктан, жөтөлгө каршы дарылар аптекадан атайын бланкка жазылган рецепт боюнча гана берилет.