Блез Паскаль

Паскаль, Блез (фр. Blaise Pascal; 19. 6. 1623, Франция, Клермон-Ферран – 19. 8. 1662, Париж) – француз физиги, математик, философ, жазуучу. «Конустук кесилиш теориясынын тажрыйбасы» аттуу биринчи трактатында проекциялык геометриянын негизги теоремаларынын бири – Паскаль теоремасын баяндаган. Паскаль суммалоочу машинаны ойлоп тапкан (1641). Арифметика, сандар теориясы, алгебра жана ыктымалдуулук теориясы боюнча бир катар илимий эмгектерди жазган. Гидростатиканын негизги законун негиздеген жана гидравликалык пресстин иштөө приндибин түшүндүргөн. Басым бирдиги (1 Па), программалоо тили (Pascal), Айдагы кратер Паскальдын ысымынан аталган.

Блез Паскаль.

Паскаль суммалоочу машинаны.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9