Вибрафон

Вибрафон - (лат. vibro термелем) урма музыкалык аспап, металлофондун бир түрү. 20-кылымдын башында ойлоп табылган. Фортепьянонун клавишалары сыяктуу эки катар жайгашкан ар түрдүү узундуктагы металл пластинкалардан турат. Аткаруучу учу кебез же резина таякчалар менен пластинкаларды ургулап ойнойт. Вибрафондон жумшак, термелген өзгөчө добуш чыгат. Ал оркестрде, кээде жеке да ойнолот.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4