Даллас шаары

Даллас – АКШнын түштүгүндөгү шаар (1856). Техас штатында. Тринити дарясынын боюнда. Калкы 1,2 млн (2007, агломерациясында 6,1 млн) Эл аралык аэропорту бар. АКШнын түштүгүнүн ири экономика-соода-финансы борбору жана жолдор тоому. Түштүк нефть-газ өнөр жайынын уюштуруу борбору. Ири авиа ракета-космос, радиоэлектроника, прибор куруу, нефть-газ өнөр жай үчүн жабдуу, тамак-аш, тигүү, полиграфия, кагаз, химия (самын жана жасалма жуучу каражаттар) өнөр жай ишканалары иштейт. Университет, музей, театрлар бар. Далласта президент Ж. Кеннеди атылган (1963). Эл аралык конкурстар (органчылардын), ярмаркалар өткөрүлүп турат.

Даллас.

Колдонулган адабияттар

• Кыргызстан: энциклопедия