Прерия

Прерия - Түндүк Америкадагы ксерофиттик өсүмдүктөргө бай талаа. П-нын аянты абдан чоң. Ал Түндүк Американын борборунан Мексика тайпак тоолоруна чейин созулуп жатат. П-да түндүктөн түштүккө карай жаан чачындын азайышы менен абанын темп-расы алмашып турат. Ошондуктан П-нын түндүгүндө чөп өсүмдүктөрүнүн түрдүк курамы ар түрдүү, Түндүк Америка П-нын Европанын чыгышындагы талаалардан айырмасы Мексика аркылуу Борбордук Американын субтропик райондору менен байланышкандыктан чөп өсүмдүктөрүнүн курамдык бөлүгүн тропиктик уруулардын өкүлдөрү түзөт. П-нын чегинде алардын областтарын чыгыштан батышка карай, чыныгы бийик чөптүү бийик жана жапыс өсүүчү чөп өсүмдүктүү П.; жапыс өсүүчү чөп өсүмдүктүү П. деп үч зонага бөлүүгө болот. Биринчи зона ар кандай чөп өсүмдүктөрүнүн түрлөрү бай, ал эми калган зоналарда чөп өсүмдүктөрүнүн түрү азайат.

Прерия (Небраска).

Колдонулган адабияттар

• Биология: Энциклопедиялык окуу куралы / Башкы ред. Ү. Асанов; Ред. кеңеш А. Токтосунов (төрага) ж. б. — Б.: Мамлекеттик тил жана энциклопедия борбору, - 2004. 504 б. ISBN 9967-14-022-4