Ратуша

Ратуша (немецче Rathaus) – Европанын көпчүлүк өлкөлөрүндөгү шаарды башкаруу органы; ошол орган жайгашкан имарат. Ратуша шаардын башкы аянтына курулуп, 2-кабатына кеңешме залы жана шаардыктарга кайрылуу үчүн балкон жайгаштырылат. Ратуша шаардын өзүнчөлүгү менен жана саясий эркиндигинин символу катары эсептелет. Бельгия, Нидерланд, Германия, Италия, Польша, Латвия, Литва, Эстония ж. б. өлкөлөрдө 13–17-кылымдагы ратушалар сакталган.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9