Теннесси (дарыя)

Теннесси – АКШнын чыгышындагы дарыя, Огайо дарыясынын (Миссисипинин алабы) сол куймасы. Аппалачи тоолорунун батыш капталынан агып түшкөн Холстон дарыясынын башынан 1470 км. Алабынын аянты 104 миң км². Кыштын аяк ченинде жана жазында кирет. Орточо чыгымы 1800 м³/сек. Агымы суу сактагычтар (эң ириси – Кентукки) аркылуу жөнгө салынат. Анда ГЭС, ЖЭС, АЭСтер курулган. Канал жана шлюздар курулгандыктан, башынан аягына чейин кеме жүрөт. Боюнда Ноксвилл, Чаттангуа, Флоренс ж. б. шаарлар жайгашкан.

Теннесси.

Теннесси.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9