Түндүк Каролина университети (Чапел-Хилл)
Чапел-Хиллдеги Түндүк Каролина университети (англ. University of North Carolina at Chapel Hill; UNC, же жөн эле Каролина да катары белгилүү) - мамлекеттик илимий-изилдөө университет болуп саналат. Ал АКШдагы Түндүк Каролинага караштуу Чапел-Хилл шаарында жайгашкан. Ал түндүк Каролина университет системасынын 17 кампусунун бири болуп саналат. АКШ боюнча эң байыркы үч мектептин бири болуп саналат, анткени ал 1789-жылы негизделип, 1795-жылы студенттерди окууга кабыл ала баштаган.
Түндүк Каролинада жогорку билим берүүгө эң биринчи жолу студенттерге 1795-жылдын 12-февралында эшигин ачкан. Университет окуу даражаларды 14 колледж менен Илим жана искусство колледжи аркылуу 70тен ашуун окуу курстарын сунуштайт. Бардык студенттер гуманитардык тармагынан билим алышат, жана алар 3-курсунан кийин Искусство жана илимдер колледжинен жана ошондой эле профессоналдык мектептеринен дагы окуу даражасын алууга мүмкүнчүлөктөрү бар. Кемп Пламмер Батл жетекчилиги алдында 1877-жылы Түндүк Каролинада биргелеш окуу процесси башталса, 1951-жылы Роберт Бертон Хаус окуу жайдын канцлери болуп, Африка-Америкалык студенттер да окууга кабыл алынып, улуттук десегрегация жоюла баштаган. 1952-жылы Түндүк Каролина изилдөө жана дарылоо үчүн өзүнүн ооруканасын, UNC саламаттыкты сактоо, ачкан. Ошондон бери рак оорусун дарылоо боюнча да аракет жасап келишет. Окуу жайдын студенттери, бүтүрүчүүлөрү жана спорт командалары "Tar Heels" деп белгилүү.