Электрондук микроскоп

Электрондук микроскоп - чоңойтулган (106эсеге чейин) сүрөттөлүштү алууда электрондун топтолгон агымы пайдаланылуучу прибор.

Электрондук микроскоп.

Кадимки микроскоп жарык нуру менен иштейт. Электрондук микроскопто жогорку вакуумдагы электрондордун тез кыймылдагы агымы пайдаланылат. Электрондор 200 эВ - 400 кэВ жана андан жогорку энергияга чейин ылдамдатылат. Электрондордун агымын чагылдыруу үчүн магнит (электр-магнит) же электр-статикалык линза колдонулат. Изилденүүчү объект электрондорду чачыратып, чагылдырат жана жутат. 1928-ж. немис илимпоздору М. Кнолль жана Э. Руска биринчи магнит өткөр күчтүү Электрондук микроскопун түзүшкөн. Электрондук микроскоп электрон аткычы жана электрон линза системасынан турат. Линзалардын тегине карата Электрондук микроскоп магниттик,электрстатикалык жана айкалыштырылган болуп бөлүнөт. Арналышына жараша объект аркылуу электрон нуру өткөндө ал объекти изилдөөгө арналган магнит өткөргүчтүү Электрондук микроскоп, электрондор үчүн тунук эмес объектилерди изилдөөчү эмиссиялык Электрондук микроскоп, тунук объектилерди изилдөөчү растрлуу Электрондук микроскоп, чачырап түшкөн электрон нурунун жардамы менен объектинин сүрөттөлүшүн алуучу чагылдырма Электрондук микроскоп, изилденүүчү объектинин бетинде электр потенциалдарын бөлүштүрүүчү күзгүлүү Электрондук микроскоп, алыс экранда объектинин чоңойтулган сүрөттөлүшүн алуучу көлөкө түшүрүүч ү Электрондук микроскоп болуп бөлүнөт. 1990-ж-дын аягы - 2000-ж-дын башында компьютерлештирүү жана ПЗС-детекторлорун колдонуу дифралуу сүрөттөлүштү алууну абдан жөнөкөйлөштүрдү.

Колдонулган адабияттар

• «Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4