Гиперстен

Гиперстен - (гипер... жана грекче sthеnos – күч, бекемдик) – пироксендер тобундагы минерал. Химиялык формуласы (Fe, Mg)₂[Si₂O₆]. Ромб сингониясында кристаллданат. Өңү кочкул жашылдан кара күрөңгө чейинки түстөрдө. Айнектей жаркырайт. Катуулугу Моос шкаласы боюнча 5–6, тыгыздыгы 3,3–3,5 г/см³. Г. магмалык негиздүү тоо тектерди түзүүчү минерал.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4