Интернализм

Интернализм (лат. internus – ички) – социологияда, педагогикада жана культурологияда индивид же адамдар тобу тарабынан коомдук баалуулуктарды, нормаларды, жоболорду, стереотиптерди өздөштүрүү процессин белгилөө үчүн пайдаланылган түшүнүк. Индивидге же адамдар тобунан сырткары жашаган нормалар жана эрежелер интернилизациялоонун жардамы аркасында жүрүм-турумдун ички регуляторлоруна же жөнгө салгычтарына айланышат. Интернализациялоонун механизмдери өтө татаал жана азырынча алар толук тастыктала элек. Ошондой болсо да аталган механизмдерди илимий изилдөөгө тартуу аркылуу тарбия иштерин бир кыйла оптимадалштырууга болот.

Колдонулган адабияттар

• Философия: энциклопедиялык окуу куралы/Мамлекеттик тил жана энциклопедия борбору.-Б.: 2004,