Кеңкол көлү

Кеңкол көлү – Фергана тоо тизмегинин түштүкбатыш капталындагы Кызыл-Үңкүр өрөөнүнүн баш жагынан орун алган. Базар-Коргон районунун аймагында. Деңиз деңгээлинен 1840 м бийикте жатат. Узундугу 700 м, туурасы 100–120 м, аянты 0,1 км², тереңдиги 20–25 м. Көл байыркы моренанын өрөөндү бөгөп калышынан пайда болгон. Бөгөттүн бийиктиги 50–60 м. Көлдөн Кеңкол суусу агып чыгып, Отуз-Арт суусу жана кошулуп, Кызыл-Үңкүр суусун түзөт. Көлдү курчаган тоо капталдары тик, анда арча, карагай токою, көлдүн башталышындагы чакан дельтачада тал, терек жыш өсөт. Көлдө көк чаар, маринка, жилингир ж. б. балыктар бар.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9