Комплекс

Комплекс (латынча complexus – байланыш, айкалыш) – комбинаторика топологиясынын негизги түшүнүктөрүнүн бири. Комбинаторика топологиясында геометриялык фигураларды элементардык фигураларга бөлүп кароо негизги ролду ойнойт. Геометриялык фигураларды симплекстерден, б. а. 3 өлчөмдүү мейкиндиктеги чекиттерден, кесиндилерден, үч бурчтуктардан жана тетраэдрлерден турат деп кароо ыңгайлуу. Евклид (же гильберт) мейкиндигинде жайгашкан жана төмөнкүдөй касиетке ээ болгон кандайдыр бир симплекстердин чектүү көптүгү Комплекс болот; бул көптүктүн эки симплекси же алардын жалпы чекиттеринин тобу эки симплекстин жалпы граны боло алат.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9