Коо

Коо – эки жагы бийик, ортосу чуңкур ой жер, аң. Түздүк-ойдуңдуу, бөксө тоолуу аймактарга таандык, нымды сүйүүчү өсүмдүктөр таралган. Жазында кар эриген кезде сууга толот. Коо эрозиялык процесстердин (кээде карсттык, эолдук, аралаш) таасиринен пайда болот. Бул түшүнүк геогр. аталыштардын курамында кеңири таралган: Сары-Коо (Панфилов рнундагы канал), Сары-Коо-Сай (Ат-Башы районундагы Орто-Суунун куймасы), Кара-Коо (Тоң, Кочкор райондорундагы тоолор, Ат-Башы районундагы суу, Тоң районундагы кыштак) ж. б.; Кочкор өрөөнү да мурда Кара-Коо аталган.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9