Башбаракты ачуу

Кыргызстандын спорт журналисттер федерацияcы

Кыргызстандын Спорт журналисттер федерациясы - 1995-жылы уюшулган коомдук чыгармачыл бирикме.

Мурда спортту жазган 2-3 эле журналист болсо, федерация уюшулганы алардын саны 20-30дан ашты.

Биринчи президенти Аскар Салымбеков болуп, 1995-жылы Эл аралык спорт журналисттер ассоциациясына (AIPS) бул уюмду мүчө кылган.

Бул федерация спорт журналисттерин эл аралык мелдеш, дүйнө, Азия чемпионаттарына жолдомо алууга жардам берет.

Ар жыл сайын июль айынын башында спорт журналисти Евгений Марченкону эскерүү боюнча спорт журналисттери арасында футбол мелдешин уюштуруп, байгелерин берип турат.

Ар жылы жылдын жыйынтыгын спорт агенттиги, Улуттук олимпиада комитети менен бирдикте чыгарып, жылдын 3 мыкты спорт журналисттерин аныктайт.

20 журналистке AIPSтин мүчөсү деген белетти ар бири үчүн 30 доллар төлөп алып берет. Ар жыл сайын 2 журналистти кезеги менен AIPSтин чет мамлекеттерде өтө турган Конгресстерине делегат кылып жиберип, жол киресин төлөп берет. Кийинки 5 жылдан бери бул федерацияны Улугбек Салымбеков жетектейт. Мурда башкы катчысы ардагер журналист, маркум Тураш Каримбаев болчу. 2003-жылдан бери Кабыл Макеш башкы катчы.

Айрым учурда жогорку окуу жайлардын журналистика бөлүмдөрүнө барып, алардын чакыруусу боюнча спорт журналистикасынын жанрлары тууралуу бекер дарстар уюштурушат.

"Sport.kg" деген орус тилинде интернет барагы бар.

Шилтеме