Көльн

(Кёльн барагынан багытталды)

Көльн (нем. Köln) — Германиянын батышындагы шаар. Түндүк Рейн-Вестфалия жеринде (административдик-аймактык бирдик). Көльн административдик округуна карайт. Линденталь районуна кирет.

Отурукташкан жай
Көльн
Köln
Sepulcher of Poblicius Römisch-Germanisches Museum Cologne 2.jpg
Желек Герб
Желек Герб
Өлкө Германия
Жер Түндүк Рейн-Вестфалия
Район Линденталь
Координаттар 50°56′32″N 6°57′28″E / 50.94222°N 6.95778°E / 50.94222; 6.95778Координаттары: 50°56′32″N 6°57′28″E / 50.94222°N 6.95778°E / 50.94222; 6.95778
Ички бөлүнүшү 9 ички район
Башчысы Юрген Ротерс
Тарыхы жана Географиясы
Аянты 405,15 км²
Борборунун бийиктиги 37,5-118,04 м
Убакыт аралыгы UTC+1, жайында UTC+2
Калкы
Калкы 1007119 адамды (2010)
Сандык идентификаторлор
Телефон коду 02 21 ,0 22 03,0 22 32,0 22 33
Почта индекси 50441-51149
Автоунаа коду K
Расмий сайты http://www.stadt-koeln.de/  (нем.)
Көльн (Германия)
Locator Dot2.gif

Калкы 1,0 млн киши (2010);[1] калкынын саны боюнча өлкөдөгү 4-шаар (Берлин, Гамбург жана Мюнхенден кийин). Болжолдуу аянты - 405,15 км². Мамлекет ичинде бекитилген расмий коду05 3 15 000. Мэр — Юрген Ротерс.

Шаар административдик курамы боюнча 9 шаардык районго бөлүнөт.

Рейн дарыясындагы порт (жылына 15 млн т жүк ташылат). Ага жакын жайгашкан шаарспутниктеринин калкы 2 млндон ашык. Эл аралык аэропорту бар. Шаардын экономикасынын негизин тейлөө чөйрөсү түзөт. Германиянын ири банктарынын штаб-квартиралары жайгашкан. Өлкөнүн соода-финансы борбору. Машина куруу (транспорт, айыл чарба, оор, электртехникалык, радио-электроника ж. б.), нефть ажыратуу, нефть-химиялык, текстиль, парфюмерия, кагаз, тамак-аш–татымал (сыр, ун, шоколад), тамеки өнөр-жай ишканалары иштейт. Көльн – дүйнөлүк маанидеги автомобиль өнөр жай борбору. Америкалык «Ford Motor Company» жана япониялык «Toyota Motor Corporation» автоконцерндеринин штаб-квартиралары, DAF, «Mazda», «Nissan», «Volvo» компанияларынын кеңселери жайгашкан. Метрополитен иштейт. Университеттер (анын ичинде Көльн), китепканалар, тарыхый архив, 40тан ашык музей (анын ичинде көркөм кол өнөрчүлүк, Епархия, Вальраф-Рихарц-Людвиг, Кунстхалле, Чыгыш Азия искусствосу ж. б.) бар. Көльн – Европанын музыкалык театр борборлорунун бири. Бир нече театрлар (анын ичинде опера жана балет), Мамлекеттик жогорку музыка мектеби, филармония, ири концерт залдары иштейт. Б. з. ч. 1-кылымдан белгилүү. 785–1273-жылдары архиепископтуктун борбору. Орто кылымда Ганза мамлекетинин башкы шаарларынын бири болгон. 1475-ж. эркин империя шаар статусун алган. 1946-жылдан Түндүк Рейн-Вестфалия жеринин курамында. Роман (10–13-кылымдар) жана барокко (17–18-кылымдар) стилиндеги чиркөөлөр, готика стилиндеги собор (13–19-кылымдар), ратуша (14–15-кылымдар), турак жайлар (13-кылым), ренессанс стилиндеги цейхгауз (16–17-кылымдар) сакталган. Эл аралык музыка фестивалдары жана бүткүл дүйнөгө белгилүү жармаңке-көргөзмөлөр өткөрүлүп турат. Ири парктар, зоопарк, «Флора» ботан. багы (экзотикалык өсүмдүктөр өстүрүлөт) уюштурулган.

Колдонулган адабияттарОңдоо

ШилтемелерОңдоо

  1. Amtliche Bevölkerungszahlen. Текшерилген күнү 18 Сентябрь (Аяк оона) 2015. Түп булактан архивделген күнү 29 Июль (Теке) 2011.

Тышкы шилтемелерОңдоо

Калып:Германия:Линденталь Район:Шаарлар