«Кет-бука»
«Кет-бука» — эл арасына кеңири тараган классикалык күү. Анын чыгышы жөнүндө ар кандай (биринде Кет-Бука кан, экинчисинде Чыңгыз-хандын кол башчыларынын бири же жөн эле комузчу болгон деп айтылат) уламыштар бар. Көпчүлүк учурда Кет-Бука комузчу Айкан канга жалгыз уулу аң уулап жүрүп, кокусунан жолборстон мерт болгонун күү аркылуу угузган деп айтылат. Күүдө терең кайгы баяндалат. Күү залкар комузчу Карамолдонун аткаруусунда жазылып алынган. Мындан башка да варианттары бар. Бул күү казактарда «Аксак кулан» деген ат менен домбрада чертилет.
Колдонулган адабияттар
түзөтүү- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9