Субайылда Абдыкадырова

Абдыкадырова Субайылда (9-март 1935, Жайыл району, Сары-Булак айылы - 22-апрель 2010, Бишкек) — акын, Кыргыз Республикасынын маданиятка эмгек сиңирген ишмери (1991).

Өмүр таржымалы

1957-ж. Кыргыз кыз-келиндер педагогикалык институтун бүтүргөн.
1957-ж. «Ленинчил жаш» гезитинде, андан кийин «Кыргызстан аялдары» журналында, Кыргыз мамлекеттик телекөрсөтүү жана радио комитетинде, «Ала-Тоо» журналында адабий кызматкер. 1987—89-ж. «Кыргызстан маданияты» жумалыгында бөлүм башчы.

Чыгармалары

Анын чыгармалары 1953-жылдан жарыялана баштаган. 1958-ж. 1-китеби «Жаш гвардия» басмасында орус тилинде жарык көргөн. Кыргыз тилиндеги 1-китеби — «Булак» (1959). Кийинки чыккан китептери: «Кыз кыялы» (1961), «Калыйпа» (1963), «Чырак» (1966), «Чыгыш кызы» (1969), «Аппак гүлдөр» (1972), «Алтын бешик» (1976), «Мекеним» (1979), «Өмүр күүлөрү» (1989) жана башка. Медалдар менен сыйланган.

Колдонулган адабияттар

Чүй облусу энциклопедия. Бишкек-1994-ж.

Айрым шилтемелер

Субайылда Абдыкадырова(жеткиликсиз шилтеме)
СУБАЙЫЛДА АБДЫКАДЫРОВА(жеткиликсиз шилтеме)
“Эл акыны” Субайылда Абдыкадырованы эскеришти(жеткиликсиз шилтеме)