Агалаташ акиташ теги кени
Агалаташ акиташ кени -Кыргызстандын Кант шаарынан 1820 км түндүк тарапта, Чүй суусунун оң жээгинде, Кындык тоосунун түштүк капталында, деңиз деңгээлинен 700–970 м бийиктикте. 1932-ж. Фрунзе шаараткомунун геологиялык чалгындоо партиясы ачкан.1956-82-ж. Кыргыз ССРнин геология башкармасы жана Курулуш материалдарын өндүрүүчү министрлиги чалгындоо иштерин жүргүзгөн. Кен аймагында ордовик мезгилинин аягында пайда болгон акиташ, кумдук ж-а сланец тоотек катмарлары көрүнүп жатат. Акиташ массивдүү жана одоно катмарлуу болуп бөлүнөт. Акиташ тегинин жалпы көлөмүнүн 70%ин массивдүү түрү түзүп, цементтик сырьёго жарамдуу. Анын калыңдыгы 100 м ге жетет. Массивдүү акиташ 30% мергель менен кошо «500» ж-а «600» маркасындагы портланд-цементти алуу үчүн колдонулат. Акиташтын «Түштүк кыр» боюнча запасы А+В категориясы боюнча 35781 миң о, А+В+С3-117326 миң о, С2-2934 миң о. Цементтин чопо кошумчасы чополуу сланец. Кен 1964-жылдан жер үстүнөн ачык казып алынып, анын базасында Кант шифер-цемент заводу иштейт.
Колдонулган адабияттар
түзөтүү- “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1
- Кыргызстандын кен байлыгы: Энциклопедиялык окуу куралы/Мамлекеттик тил жана энциклопедия борбору. Бишкек – 2004, ISBN 9967-14-009-7