Айгүл Жапарова
Айгүл Жапарова (1973-жылдын 14-ноябрында Ысык-Көл облусунун Сан-Таш айылында туулган) — Кыргызстандын учурдагы президенти Садыр Жапаровдун жубайы. 2021-жылдын 28-январынан баштап Кыргызстандын Биринчи айымы болуп эсептелет.
| Айгүл Жапарова Жапаровна кырг. Айгүл Жапаровна Жапарова | ||
 | ||
| ||
|---|---|---|
| 2021-жыл 28-январь | ||
| Президент: | Садыр Нургожоевич Жапаров | |
| Андан мурунку: | Айгуль Жээнбекова | |
| ||
| Балдары: | Рустам Жапаров, Дастан Жапаров, Нурдөөлөт Жапаров, Жанайым Жапарова | |
Өмүр таржымалы
түзөтүүГульнура Жапаровна Асанбаева Сан-Таш айылында, Түп району, Ысык-Көл облусунда туулган. Анын атасы көп жылдар бою Кумтөр алтын кенинде иштеген (бул жерди улутташтыруу үчүн келечектеги жолдошу Садыр Жапаров көп жылдар бою күрөшкөн).[1]
Мектепти бүткөндөн кийин Караколдогу медициналык окуу жайга тапшырган. Андан соң Кыргыз мамлекеттик университетинин педагогика факультетин аяктаган.
Кээ бир басылмалардагы маектерине ылайык, Асанбаева "күйөөсүнө болгон саясий куугунтуктар" учурунда үч жыл бою балдарыменен чет өлкөдө жашаган. Маалыматтарга караганда, ал үй-бүлөсү менен Россияда жана Польшада жашаган. Асанбаева күйөөсү Жапаров Казакстан-Кыргызстан чек арасынан кармалып жаткан учурда, уулу Рустам да кармалганын жана ал жарым жылга жакын убакыт бою СИЗОдо кармалып турганын айтып берген. Анда саясатчынын жубайы биринчи айым Раиса Атамбаевага уулун бошотууга жардам берүү өтүнүчү менен кайрылган.
"Тааныштарым аркылуу биринчи айымга кайрылып, жардам сурадым. Ал болсо "мындай маселелерге кийлигишпейм" деп жооп берди. Мен баарын чогултуп бошотууну сурабайм. Мен уулум үчүн сурадым, ал чындыгында эч кандай мыйзамсыз иш кылган жок — ал жөн гана атасын тосуп чыккан... Бардыгына өлкөнүн биринчи айымы болуу насип боло бербейт, бул Кудайдан келген белек деп ойлойм. Адамдар мээримдүү жана жакшы болушу керек"
Ишмердиги
түзөтүүСадыр Жапаров жазасын өтөп жаткан кезде Айгуль Асанбаева аны ачык жарыяларда коргоп, жергиликтүү бийлик өкүлдөрүнүн чечимдерине каршы нааразылык акцияларына катышкан.
2020-жылдагы парламенттик шайлоодо "Мекенчил" партиясынын тизмеси боюнча Жогорку Кеңештин депутаттыгына талапкер болгон (тизмеде 24-орун). Бирок шайлоо алдындагы партиялык тизмеде ал Гульнура деген ат менен көрсөтүлгөн — бул анын паспортундагы аты. Жапаровдун жубайы агитациялык кампанияга активдүү катышып, региондорго барып турган.
Ал "Үмүт булагы" коомдук фондун негиздеген, анын негизги максаты — Кыргызстандагы энелерди жана балдарды колдоо.
Күйөөсүнүн президенттик кызматка келишинен кийин, Айгуль Асанбаева COVID-19 пандемиясына каршы күрөшүүгө жардам берүү үчүн волонтёрлорго көмөк көрсөтүүгө өз ыктыяры менен чыккан. 2021-жылдын июнь айында Жапарова Туркияга болгон расмий сапарында күйөөсүнө кошулуп, Анкарада Түркиянын биринчи айымы Эмине Эрдоган менен жолугушкан.