Алехандро Гонзалес Инарриту

Алехандро Гонзалес Инарриту (англ. Alejandro González Iñárritu; америкалык испн.: [aleˈxandɾo gonˈsales iˈɲaritu]; 2014-жылдан бери Алехандро Г. Инарриту деген ат менен белгилүү) - мексикалык режиссёр, продюсер жана сценарист. Ал "Оскар" сыйлыгынын "Эң мыкты режиссёр" жана "Вавилон" тасмасы үчүн "Америкалык Режиссёрлордун Гилдия" сыйлыгынын "Эң мыкты режжисёрлук иш" наамдарына көрсөтүлгөн алгачкы мексикалык режиссёр болуп саналат.

Ал "Чымчык адам" (анг. Birdman, 2014) тасмасы үчүн "Оскар" сыйлыгынын "Эң мыкты режиссёр" жана "Эң мыкты түп нускадагы сценарий" наамдарын жеңип алган. Кийинки жылы Инарриту "Аман калган" (анг. The Revenent, 2015) тасмасы үчүн "Оскар" сыйлыгынын "Эң мыкты режиссёр" наамына ээ болгон. Ал ошондой эле "Кинодогу үч дос" деген ат менен белгилүү болгон мексикалык режиссёрлор Гилермо дел Торо жана Алфонсо Куарон менен да достук мамиледе.