Алтай коругу
Алтай коругу - Алтай Республикасындагы мамлекеттик табият паркы. Аянты 8,8 миң км2. Чулышман дарыясынын оң жээгинде, Төлөс көлүнөн чыгыш тарапта деңиз деңгээлинен 1000-1200 м бийиктикте, эң бийик жери 3000 мден ашык. Түштүк Сибирдин тайгасын жана бийик тоо тундрасын коргоо максатында 1932-ж. уюшулган. Коруктун аймагынын 20%тейин аска-зоокалар, корум-шагыл-таштар, 45% тен ашык аянтын токой ээлейт. Токоюнда көк карагай, кедр, кара карагай, кызыл карагай үстөмдүк кылат. Бийиктик алкактуулугунда талаа, субальп жана альп шалбаасы, тоо тундра зоналары өзгөчөлөнүп турат. Марал, багыш, тоо эчки, кабарга, кундуз (киш), күрөң аюу, сейрек кездешүүчүлөрдөн илбирс (РФнын Кызыл китебине кирген) мекендейт. Алтай коругу Бүткүл дүйнөлүк мурастын тизмесине катталган.
Колдонулган адабияттар
түзөтүү- “Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1