Альтерация (музыкада)

Альтерация (музыкада) - (лат. alteratio өзгөртөм) негизги добуш катарына кирген үн баскычтарынын аталышын өзгөртпөстөн алардын бийиктигин жогорулатуу же төмөндөтүү. Альтерация белгилери: # (диез) жарым тонго жогорулатуу, b (бемоль) жарым тонго төмөндөтүү, X (дубль-диез) бир тонго жогорулатуу, bb (дубль-бемоль) бир тонго төмөндөтүүнү билдирет. Бул белгилерди жоюу үчүн бекар колдонулат.