Араб деңизи
(«Арап деңизи» барагынан багытталды)
Араб деңизи — Инди океанында, Араб (батышында) жана Индостан (чыгышында) жарым аралынын аралыгында. Жибути, Йемен Элдик Демократия Республикасы, Оман, Бириккен Араб Эмирликтери, Иран, Пакистан, Индия жана Сомалинин жээктерин чулгайт. Аянты 4832 миң км2. Эң терең жери 5803 м. Жээктери бийик, аскалуу, айрым жери түздүк дельталуу. Ири булуңдары: Аден, Оман. Деңизге Инд д. куят. Суусунун орточо температурасы 22°Сден 29°Сге чейин. Туздуулугу 35,8-36,5%ошондой Суткасына 2 жолу ташкындайт (бийиктиги 5,1 мге чейин). Балык (тунец, кылыч балык жана башка) кармалат. Негизги порттору: Бомбей (Индия), Карачи (Пакистан), Аден (ЙЭДР).
Булактар
түзөтүү- “Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1