Армоколит

Армоколит (Айга алгачкы жолу учкан америкалык астронавттар - Армстронг, Олдрин, Коллинздин аттарынан) - табигый оксиддер классындагы сейрек минерал. Химиялык формуласы (Mg, Fe²⁺) Ti₂O₅). Айдын кыртышынын үлгүсүнөн табылган. Ромб сингониясында кристаллданат. Өңү боз, металлдай жалтырак. Моос шкаласы боюнча 5. Бүртүкчө түрүндө (300 микронго чейин) кездешет. Минерал төмөнкү басымда жана жогорку температурада пайда болот. Жер бетинде айрым магма тоо-тектеринде жана метеориттерде кездешет.

Колдонулган адабияттар

• “Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1