Аскад Мухтар
Аскад Мухтар (23. 12. 1920-жылы туулган, Фергана шаары) – өзбек жазуучусу.
| Аскад Мухтар | |
| Asqad Muxtor | |
| Туулган датасы: | |
|---|---|
| Туулган жери: | |
| Өлгөн датасы: |
17 -апрель 1997 (76 жаш) |
| Өлгөн жери: | |
Орто Азия мамлекеттик университетин бүткөн (1942). Чыгармалары 1938-жылдан жарыялана баштаган. «Болот эритүүчү» (1947) поэмасы, «Болоттун шаары» (1950) аңгеме-очерк жыйнагы, «Дарыялар кошулган жерде» (1950) повести менен Мухтар өзбек адабиятында жумушчу темасын негиздеген.«Эже-сиңди» (1954) романында өзбек аялдарынын рухий турмушун, «Төрөлүү» (1961) романында ири курулуштардагы жаштардын эмгегин көрсөтөт. Мухтардын Өзбекстан, анын тарыхы, улут маданияты жөнүндөгү ой толгоолорун баяндаган «Чынар» романы (1969); Өзбекстандын Хамза атындагы мамлекеттик сыйлыгы (1973) бар. «Каракалпак повести» (1958) менен «Өлбөстүк» (1969) поэмасы – тарыхый революциялык чыгарма.
Акын катары да белгилүү А. С. Пушкин, М. Ю. Лермонтов, М. Горький, В. В. Маяковский өңдүү классиктердин чыгармаларын өзбек тилине которгон. М-дин айрым чыгармалары кыргыз тилине которулган.
Колдонулган адабияттар
түзөтүү- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7