Токтобай Атабаев

Атабаев Токтобай (1933, Oш облусу, Өзгөн району, Ак-Жар кыштагы - 2004, Oш шаары) - бургулоочу, геологиялык чалгындоо жумуштарынын устаты, Социалисттик Эмгектин Баатыры (1966). Ташкендеги Геологиялык чалгындоо техникумун бүткөн (1973).

1948-жылдан Кыргыз ССР геология башкармалыгынын Түштүк Кыргызстан геология экспедициясында жумушчу, бургулоочу (1950), геологиялык партияда бургулоо жумуштары б-ча участоктун начальниги (1973), Терекан геология чалгындоо партиясынын башкы инженери, начальниги (1975-80), Чаткал геология экспедициясынын башкы инженери (1980-81), Улуу-Тоо геологиялык партиясынын начальниги (1981-90), Түштүк Кыргызстандын геология экспедициясынын начальнигинин чарбалык иштери б-ча орунбасары (1990-95), 1995-жылдан Жылкы базасынын директору болуп иштеген. Кыргызстандагы сымаптын ири кенин чалгындоо жумуштарында чоң ийгиликке жетишкен. Ленин, Октябрь Революциясы, «Ардак белгиси» ордендери м-н сыйланган.

Колдонулган адабияттар

• “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1
• Музалевский М. В. Герои Социалистического Труда. Биобиблиографический словарь. — М.: РИЦ "Кавалер", 2008. — Т. 2. — 200 с.
• Ноокатта Социалисттик эмгектин баатыры Токтобай Атабаевдин айкели орнотулду (сүрөт)