Мухтар Ашрафи
(«Ашрафи Мухтар Ашрафович» барагынан багытталды)
Ашрафи Мухтар Ашрафович - (1912-1975) өзбек композитору, дирижёр, СССР эл артисти (1951). 1934-36-жыл. Москва, 1948-жылы Ленинград консерваториясын бүтүргөн. 1944-жылы Ташкен консерваториясында окутуучу, 1953-жылдан профессор. Ал Василенко менен бирге туңгуч өзбек операсын [«Бороон» (1939) жана «Улуу канал» (1941)] жазган. «Баатырдык симфония» (1942), «Дилором» (1958), «Акын жүрөгү» (1962) операларынын, «Сүйүү тумары» (1969) балетинин жана башка чыгармалардын автору. Ашрафи СССР мамлекеттик сыйлыгынын лауреаты (1943, 1952). Ленин ордени, башка үч орден менен сыйланган.
Колдонулган адабияттар
түзөтүү- “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1