Байгазы мөңгүсү

Байгазы мөңгүсу – Борбордук Теңир-Тоодогу татаал-өрөөн тибиндеги мөңгү. Узундугу 4,3 км, аянты 4,4 км². Тескей Ала-Тоонун түндүк капталында, Ашуутөр суусунун (Сары-Жаз суусу алабы) төрүндө жайгашкан. Башы деңиз деңгээлинен 4380 м, этеги 3660 м. бийиктикте жатат. Кар чегинин бийиктиги 4050 м. Абляция облусунун аянты 2,0 км². Мөңгүдөн Байгазы суусу башталып, Ашуутөр суусуна куят.