Байдилдеев Жумагул Рыскулбекович

Жумагул Рыскулбекович Байдилдеев (Jumagul Baidildeev; 1974-жылы кулжа - июнь айынын 14үндө туулган) – кыргызстандык тарыхчы жана журналист, тарых илимдеринин кандидаты (2014).

Кыскача өмүр таржымакалы

Жумагул Рыскулбекович Байдилдеев 1974-жылы 14-июнда Кыргызстандын Нарын облусуна караштуу Ак-Талаа районунун Баетов айылында туулган.

Атасы Рыскулбек Байдилдеев (1924-1991) – кыргыздын моңолдор уруусунан, санжырачы болгон. Казыбектин казалдарын жатка айткан.

Энеси Күмүш Абылмечинова (1947-2003) – соода кызматкери болуп иштеген. Баетов (мурдагы Дөрбөлжүн) айылынан. Алар беш балалуу болушкан, Жумагул – үчүнчүсү.

Орто мектепти аяктаган соң, Жумагул 1994-1995-жылдары Кыргызстандын аскер-аба күчтөрүндө аскердик милдетин өтөгөн.

Эмгек жолун 1995-жылы Мамлекеттик архив тармагында иштөө менен баштаган.

2000-жылы Москва Менеджмент жана Коммерция университетинин Каракол шаарындагы филиалынын экономика бөлүмүн, 2005-жылы И.Арабаев атындагы КМУнун тарых жана укук таануу адистиги боюнча артыкчылык диплому менен бүтүргөн.

2005-2007-жылдары И.Арабаев атындагы КМУда окутуучу болуп иштеген.

2007-2014-жылдары КР УИАсынын Тарых жана маданий мурас институтунун илимий кызматкери.

2007-жылдан өзү негиздеген “Рух кенчи” гезитинин башкы редактору, 2012-жылдан тарых изилдөөчү “Эстутум” коомдук фондусунун аткаруучу директору.

2010-жылдан КР Өкмөтүнө караштуу Мамлекеттик каттоо кызматынын алдындагы архив агенттигинин башкы адиси.

2015-жылдан тарыхый-илимий “ Тарыхый мурас” журналынын башкы редактору.

Илимий чыгармачылыгы

Ал негизинен 19-20-кылымдардагы кыргыз айдыңдарынын жана башка тарыхый инсандарынын өмүрүн, падышалык жана советтик архивдердин Кыргызстан тууралуу материалдарын иликтейт.

Бир нече китеби тарыхтын актай барактарын изилдөөгө, 20-кылымдын башындагы кыргыз жана казак интеллектуалдарынын өз ара карым-катнашын изилдөөгө арналган.

2014-жылы “Кыргызстандагы 1937-1938-жылдардагы саясий куугунтуктоолор жана анын курмандыктары” аталышындагы тарых илимдеринин кандидаты илимий ишин коргогон. Илимий жетекчиси - тарых илимдеринин доктору, профессор Төлөбек Абдырахманов.

Сыйлыктары. Наамдары

“КР Маданияттын мыкты кызматкери”, “КР архив ишинин мыкты кызматкери”, “КР Мамлекеттик каттоо кызматынын мыктысы” ж.б. сыйлыктары бар.

Үй-бүлөсү

Жубайы Мырзаева Нускайым, кесиби юрист. КР Өкмөтүнө караштуу Геология жана материалдык ресурстар агенттигинин кызматкери.

Уулу Рыскулбеков Адилхан Жумагулович - Бишкек шаарындагы № 38 гимназиянын окуучусу.

Кызы Рыскулбекова Назайым Жумагуловна - бала бакчанын тарбиялануучусу.

Эмгектеринин тизмеси

Байдилдеев Ж. Кыргыз-казак интеллигенциясынын байланыштары (ХХ к. башы). – Бишкек: Макспринт, 2015. – 172 б. – ISBN 978-9967-04-650-4.
Байдилдеев Ж. Үркүн үнү - Султан Далбай уулу. - Бишкек: Макспринт, 2015. - 158-б. - ISBN 978-9967-04-634-4.

Интернеттеги шилтемелер

http://cslnaskr.jet.kg/collections/uploads/%D0%91%D0%B0%D0%B9%D0%B4%D0%B8%D0%BB%D0%B4%D0%B5%D0%B5%D0%B2.%D0%96.%D0%A0.pdf Archived 2018-03-24 at the Wayback Machine
http://www.fpi.kg/novosti/vruchenie-premii-akyl-tirek?lang=ru Archived 2017-07-19 at the Wayback Machine
http://www.azattyk.org/content/Kyrgyzstan_youth_employment_education/1609253.html
http://m.gezitter.org/interviews/239_jbaydildeev_oni_znali_chto_budut_rasstrelyanyi_no_ne_otkazalis_ot_svoih_idey/(жеткиликсиз шилтеме)

http://www.nisi.kg/uploads/Journal/%D0%A1%D1%82%D1%80%D0%B0%D1%82%D0%B5%D0%B3%D0%B8%D1%8F%20%E2%84%962%20(3).pdf Archived 2016-02-15 at the Wayback Machine