Байкал тоо кыркасы

Байкал тоо кыркасы — Орусиядагы Байкал көлүнүн түндүк-батыш жээгин бойлой созулган тоо кыркасы.

Жайгашуусу

Узундугу 300 км. Орточо бийиктиги 1700-2000 м, эң бийик жери 2572 м. Протерозойдун кристаллдык сланецинен, аки таш, кварцит жана гранит тоо тектеринен турат. Көл жак тик капталдарында 900-1000 м бийиктикке чейин токойлуу талаа, андан жогору ийне жалбырактуу тайга токою жана майда бадалдар өсөт. Тоонун чокуларында тундра өсүмдүктөрү өсүп, шагыл таштуу келет.

Түндүк бөлүгүндө байыркы муз доорунун издери даана байкалат.

Галерея

• 
  Молокон ашуусу
• 
  Капчыгай
• 
• 
• 
• 

Булактар

Кыргыз Совет Энциклопедиясы. Башкы редактор А. Табалдиев. -Фрунзе: Кыргыз Совет Энциклопедиясынын башкы редакциясы, 1976. Том 1. А - Бюулук -608 б.