Бальтасар Грасиан

Бальтасар Грасиан (1601-1658), испан жазуучусу (Афоризмдер. Орус тилинен которгон Олжобай Шакир.)

• Азчылыкка келгенде акылдуубуз, көпчүлүккө келгенде оомабыз.

Бальтасар Грасиан.

• Чычканга кебек алдырбаган сараң карышкырга келгенде алдырат.

• Адам өмүрү пендечилик жорук-жосундар менен кармашып жүрүп өтөт.

• Өкүмдарың мойнуңа жүк артарда айкөл көрүнүп, агынан жарылып сүйлөйт.

• Товарыңды ким жамандаса, сатып алчу кардар ошол.
• Акчаңдан күйсөң да, товардын сапатынан күйбө.
• Эс-акылы жок үчүн көпчүлүгү эс-акылын жоготпой жүрөт.
• Достордон айрылгың келбесе, алардын чоң ийгиликке жеткенин тилей көрбө.
• Сенин көзүңчө бирөөгө "жок" деген адамдан бирнерсе суранба, демек, ал экинчи тилемчиге да оңой шылтоо табат.

• Ишиң илгерилебегени - өзүңдүн эле макоолугуңдан.

• Сага эч качан каршы сүйлөбөгөн кишини мактаба, демек ал сени эмес, өзүн жакшы көргөн үчүн дудук болуп жүрөт.

• Сага ишенбегендей түр менен караган киши карандай калпычы.
• Калпычынын алдында эки кыйынчылык бар. Биринчиси: ага эчким ишенбейт. Экинчиси: өзү да эчкимге ишенбейт.
• Жайнаган кирешени жалгыз чыгаша алып келет.
• Аянтта айкырып аткан адамдын акылдуу же акылсыз экени арсар. Анткени ал аянттагы аңкоолордун акылы менен өзүнүн жүрөгүндө макул болбосо да, баарыбир элдин атынан айкырат.
• Эки жээкте туруп алып бирин-бири "акмак" дегендин баары акмак.
• Сууга чөгүп бараткан адамдан абайла. Куткарганы кол берсең, сени кошо тартып кетет.
• Жомоктогудай жашоого жеткениң - жашооңдун бүткөнү.
• Эң коркунучтуу душман эски достордон чыгат.
• Эх, десең… кептин баары, келатканыңды алдыңда жамырагандар көрүп, кубанганында эмес, чыгып баратканыңды көрүп, өкүнүп калганында.

• Келесоо көрүнгөндөрдүн баары келесоо, соо көрүнгөндөрдүн да жарымы келесоо.

• Ким келесоону ажыратпаса, ал келесоо. А келесоонун келесоо экенин билип туруп жанында жүргөн андан бетер.

• Ким жытчыл болсо, былыктын баары ошондо.

• Бир арстанды көргөнүң, баарын көргөнүң; бир койду көргөнүң, баарын көргөнүң. А бир адамды көргөнүң, бир эле адам, бирок анын да заадисин көрбөйсүң.

• Илимге ашкере башын сайган адамдар оңой алданышат, себеби, андайлар турмуштагы эң жөнөкөй, эң зарыл нерселерден алыс.

Булак

• Олжобай Шакир. "Күмүш сырга", Бишкек – 2007.