Батаканова Светлана Топчиевна

Батаканова Светлана Топчиевна (1955) – кыргыздын заманбап педагог, тилчи жана адабиятчы окумуштуусу. Педагогика илимдеринин доктору, профессор, К.И.Скрябин атындагы Кыргыз улуттук агрардык университетинин Мамлекеттик тил жана тарбия иштери боюнча проректору.

Кыскача өмүр таржымакалы

Батаканова Светлана 1955-жылы Нарын шаарында туулган. Улуту - кыргыз.

1972-жылы Нарын шаарындагы С.М.Киров атындагы №3 орто мектепти аяктаган.
1977-ж. Кыргыз мамлекеттик университеттин филология факультетинин кыргыз тил жана адабият бөлүмүн бүтүргөн.
1979-82-жж. Кыргыз мамлекеттик университеттин кыргыз тилин жана адабиятын окутуунун методикасы кафедрасынын окутуучусу.
1982-85-жж. күндүзгү окуу бөлүмүнүн аспиранты.
1987-1992-жж. Кыз-келиндер институтунун кыргыз адабияты кафедрасында окутуучу болуп иштеген.
1992-2011-жж. К.И.Скрябин атындагы Кыргыз улуттук агрардык университетиин кыргыз, орус тилдер кафедрасынын башчысы.
1988-ж. педагогика илимдеринин кандидаты. Темасы: “Республикабыздын жалпы билим берүүчү орто мектептеринин IX-X-класстарында кыргыз жазуучуларынын драмалык чыгармаларын окутуунун методикасын өркүндөтүү”.
1993-ж. доцент наамын алган.
2011-ж. педагогика илимдеринин доктору болгон. Темасы: “Орто мектептерде кыргыз адабиятын окутууда көркөм чыгармаларга талдоо жүргүзүүнүн илимий-педагогикалык негиздери”.
2014-ж. профессор наамын алган.
2006-жылдан бери К.И.Скрябин атындагы Кыргыз улуттук агрардык университетиин Мамлекеттик тил жана тарбия иштери боюнча проректору.
2014-жылдан бери докторлук (кандидат) диссертацияларды жактоо боюнча кеңештин мүчөсү.

Илимий ишмердиги:

Көркөм чыгармаларды орто мектептерде окутуунун мазмуну жана формалары; мектептерде адабиятты окутуунун тарыхы жана азыркы учурдагы актуалдуу проблемалары; окуу пландарынын, окуу программаларынын жана окуу китептеринин мазмундук, структуралык табияты; окутуунун жана тарбиялоонун теориясы менен инновациялык технологиялары ж.б.

Негизги илимий–методикалык эмгектери:

Мектепте көркөм чыгармаларды талдоонун илимий-педагогикалык негиздери. Монография.–Б.: Кут Бер, 2010. – 286 б.
Драмалык чыгармаларды окутуунун технологиясы. Монография.-Б.: Кут бер, 2013. – 296 б.
Манастаануучу-Калим Рахматуллин. -Б.: Кут бер, 2013.- 70 б.
Адабиятты окутуунун усулдары менен ыкмалары. –Б.: Кут бер, 2013. – 53 б.
Көркөм чыгармаларды окутуунун методикасы. -Б.: Кут бер, 2014. -415 б.
Көркөм чыгармаларды талдоого окуучулардын кабыл алуусун даярдоо. -Б.: Кут бер, 2014. – 32 б.
Адабиятты окутуунун методикасы. Окуу курал.-Б., 2016, -533б.

Сыйлыктары. Наамдары:

2005-ж. Кыргыз Республикасынын элге билим берүү отличниги.
2007-ж. Кыргыз Республикасынын Президентине караштуу мамлекеттик тил боюнча Улуттук комиссиянын «Кыргыз тили» төш белгиси менен сыйланган.
2016-ж. Кыргыз тил коомунун “Ыйык тил” төш белгиси менен сыйланган.

Проф. С.Т.Батаканованын илимий жетекчилиги менен корголгон диссертациялар:

Турпанова Жылдыз Асыранбековна “Жогорку класстарда драмалык чыгармаларды окутуунун методикасы”, 2013.
Шералиева Анара Жолдошбековна “Кыргыз орто мектептеринде фольклорду окутуунун методикасы (V-VI класстардын мисалында), 2014.